Атырау облысындағы тергеу изоляторында қызметкердің қателігінен басқа тұтқын мерзімінен бұрын босатылып кеткен, деп хабарлайды Skifnews.kz ақпарат порталы.
Бұл туралы Ішкі істер министрлігі Қылмыстық-атқару комитетінің баспасөз қызметі хабарлады.
"Қызметкердің жіберген қателігі салдарынан сотталған адамды мерзімінен бұрын босату туралы құжат рәсімделген. Аталған заң бұзушылық дер кезінде анықталып, жолы кесілді", – делінген хабарламада.
Қазіргі уақытта жазасын өтеуші азамат түзету мекемесіне қайтарылды.
"Аталған дерек бойынша қылмыстық іс қозғалып, қызметтік тергеу жүріп жатыр. Кінәлі лауазымды тұлғалар заңнамаға сәйкес қатаң жауапкершілікке тартылады", – деп хабарлады комитет.
