Петропавлда « Балдәурен » балабақшасындағы қауіпсіздікті жасанды интеллект қадағалайды.

Жоба бір жылдан бері тәжірибе ретінде жүзеге асып келеді. Мектепке дейінгі мекемеде 64 цифрлық камера жұмыс істеп тұр. Заманауи техника тәрбиеленушілер мен қызметкерлердің мінез-құлқын бақылап, агрессивті қимылдарды анықтайды. Санаулы секундта сигнал беріп, келеңсіз жағдайдың алдын-алуға көмектеседі. Балабақша басшылығының айтуынша бұл Қазақстан бойынша алғашқы жоба. Қазір оны басқа да білім беру мекемелеріне енгізу мәселесі қарастырылуда.

Мадина Дәрібаева, балабақша меңгерушісі:

Жүйе енгізілгенше біз бірнеше уақытымыз кететін еді, архивті көру үшін. Қазіргі кезде жасанды интеллект осы фактілерді анықтайды. Бізге телефон арқылы хабар беріледі. Соны ашып көргенде 2-3 минуттың ішінде тәрбиешілерге, балаларға көмектесетін шамамыз бар.

Сонымен қатар балабақша ұжымы тағы бір жобаны сынақтан өткізуде. Жасанды интеллект камералар арқылы педагогтардың да көңіл-күйін бақылайды. Ақпаратты талдап, адамның психоэмаоционалдық портретін қалыптастырады. Осылайша, стресстік жағдайда жүрген тәрбиешілерге арнайы мамандар дер кезінде көмек көрсете алады.

Эльмира Кәленова