KPI қою процесі кезең-кезеңімен жүзеге асырылады.

Үкімет басшысы Олжас Бектенов сенаторлардың сауалына берген жауабында ауылды цифрландыру деңгейі бойынша KPI белгілеуге қатысты жауап берді.

Оның сөзінше, KPI қою процесі кезең-кезеңімен жүзеге асырылады.

"Бірінші кезекте KPI облыстардың, республикалық маңызы бар қалалардың және астананың әкімдері үшін бекітіледі, одан әрі өңірдің функционалдық бағыты мен даму басымдықтарын ескере отырып, осы көрсеткіштерді төмен тұрған деңгейге декомпозиялау жүргізіледі", – деді Олжас Бектенов.

Премьер-министрдің айтуынша, аудандар мен ауыл әкімдері үшін ауылды цифрландыру деңгейі бойынша KPI белгілеуге қатысты "Қазақстан Республикасындағы мемлекеттік жоспарлау жүйесін бекіту туралы" Қазақстан Республикасы Үкіметінің 2024 жылғы 29 сәуірдегі № 350 қаулысына сәйкес, облыстардың, республикалық маңызы бар қалалардың және астананың даму жоспарларына тиісті өңірге бекітілген көрсеткіштер енгізіледі, бұл көрсеткіштер негізгі ұлттық индикаторлар картасына сәйкес айқындалады.

Еске салайық, 2024 жылы жергілікті атқарушы органдардың даму жоспарларына енгізілген өңірлер мен салалар бойынша декомпозияланған негізгі ұлттық индикаторлардың тізбесі бекітілді.

Оқи отырыңыз:

• Білім берудегі теңсіздік: оңтүстік өңірлерде интернет сапасы төмен. Инфографика
• Үкімет басшысы Қазақстандағы интернет сапасы туралы айтты