Еңбек және халықты әлеуметтік қорғау министрлігінің редакциямыздың ресми сауалына берген жауабына сәйкес, 2025-2035 жылдар аралығында ел экономикасына шамамен 2,98 миллион маман қажет болады.

Бұл көрсеткіш орта мерзімді еңбек нарығы болжамы аясында жасалған.

Министрлік мәліметінше, кадрларға деген жиынтық сұраныстың:

• 28%-ы немесе 825 мың адам нақты секторда қалыптасса,
• 72%-ы немесе 2 миллион 153 мың адам қызмет көрсету саласына тиесілі болады.

Қызмет көрсету саласындағы мамандарға сұраныстың негізгі бөлігін қоғамдық қызмет көрсету саласы құрап отыр. Атап айтқанда:

• Білім беру саласында– 448 мың маман,
• Денсаулық сақтау саласында– 240 мың маман қажет болады.

Сонымен қатар, шамамен 634 мың адамға деген сұраныс бизнес-қызметтер саласына тиесілі болмақ. Бұл сала:

• Әкімшілік және қосалқы қызметтерді– 170 мың адам,
• Қаржы және сақтандыру саласын– 166 мың адам,
• Кәсіптік және ғылыми қызметтерді– 160 мың адам қамтиды.

Abai.kz