АҚШ пен Оңтүстік Корея сауда бағытындағы ынтымақтастықты нығайту жөнінде жаңа келісім жасасты.

Бұл туралы Ақ үй басшысы өзінің ресми парақшасында мәлімдеді. Құжатқа сәйкес Кореядан Америкаға жөнелтілетін өнімдерге 15%-тік кедендік баж салығы енгізіледі. Сеул америкалық тауарларға барлық тарифтерді алып тастайды. Сонымен қатар жаңа келісім аясында Сеул 100 миллиард долларға Вашингтоннан энергия көздерін, соның ішінде сұйытылған табиғи газ сатып алады. АҚШ бұған дейін Ұлыбритания, Қытай, Вьетнам, Индонезия, Жапония және Еуроодақпен сауда келісімдеріне қол қойды.