Тербеліске төзімді мұнара

«Tokyo Skytree » – Жапониядағы ең биік телемұнара. Биіктігі 634 метр­.­ Алайда жиі жер сілкінетін ай­мақ­та мұнша биік мұнара қалай құла­май тұрғаны таңғалдырады.

Бұл – арнайы жасалған сейсмотұрақты құрылымның арқасы. Мұнараның ішінде жерге мықтап бекітілген болат тірек бар. Сыртқы бөлігі мен осы тірек бір-біріне тәуелсіз қозғала алады. Жер сілкінісі кезінде тірек қозғалысты баяулатып, шайқалуды 50%-ға дейін азайтады. Бұл жүйе Жапониядағы көне пагодалардың құрылысынан үлгі алып жасалған.