Бүгінде жоғары білім және ғылым саласында көрсетілетін мемлекеттік қызметтің 94 пайызы автоматтандырылған. Жалпы құзырлы ведомство 28 түрлі қызмет ұсынылады. Айта кету керек, жоғары білім саласының мұрағаты бүгінде толық цифрландырылды.

Қазіргі таңда платформада 3,5 млн дипломның электронды нұсқасы сақталып тұр. Бұл – 1991 жылдан бастап елдегі оқу ордаларын тәмамдаған түлектер құжатының саны. Диплом жоғалған жағдайда қазақстандықтар оқу орнына өтініш жазып, баламалы тең нұсқасын 15 күнде ала алады. 2024-ші жылдың қорытындысы бойынша, бағалау көрсеткіші 93,5 пайызды құрап отыр.

Марал Кенжалина, ҚР ҒЖБМ Цифрландыру және мемлекеттік қызметтер департаментінің бас сарапшысы:

- Қоғамдық мониторингті үкіметтік емес, коммерциялық емес ұйымдар жүргізеді . Яғни халықтың бағалау деңгейі сауалнама арқылы жүргізіледі. Сол бағалау нәтижесі бойынша біздің министрлік 93,5 пайызды алып отыр. Басқа орталық атқарушы органдармен салыстырғанда біз алдыңғы қатарда келе жатырмыз.