22 жасқа дейінгі спортшылар арасында өткен бокстан Азия чемпионатында Қазақстанның қыздар құрамасы жалпыкомандалық есепте бірінші орын иеленді , — деп хабарлайды Massaget.kz тілшісі.

Қазақ боксшы қыздары 12 салмақ дәрежесінің бәрінде финалға шығып, оның тоғызында алтын жүлдені жеңіп алды.

Азия чемпиондары атанған қазақстандық боксшы қыздар:

Элина Базарова – 54 келіге дейін,

Виктория Байдукова – 57 келіге дейін,

Анар Тұрсынбек – 60 келіге дейін,

Аружан Жаңғабаева – 63 келіге дейін,

Ұлдана Таубай – 66 келіге дейін,

Бақыт Сейдіш – 70 келіге дейін,

Шұғыла Нәлібай – 75 келіге дейін,

Жібек Жарасқызы – 81 келіге дейін,

Әсел Тоқтасын – 81 келіден жоғары.

Күміс жүлде алған спортшылар:

Ақбота Болат – 48 келіге дейін,

Гүлнәр Тұрапбай – 50 келіге дейін,

Томирис Мырзақұл – 52 келіге дейін.

Кейбір боксшы қыздар финалдық жекпе-жекте қарсыластарына жол беріп, күміспен шектелді.

Айта кетейік, Азия чемпионатының финалдық кезеңі бүгін, 23 мамырда аяқталады. Қыздардан кейін алтын үшін ұлдар құрамасы да жекпе-жекке шығып, 12 алтын медаль жеңіп алуға мүмкіндіктері бар. Бұған дейін жасөспірімдер арасындағы біріншілікте де қазақстандық боксшы қыздар барлық 12 алтын медальді иеленсе, ұлдар 10 алтын жүлде алған болатын.

Tengri Sport тілшісі Азия чемпионатының алғашқы финалдық күнінде қазақстандық боксшылар қанша медаль иеленгенін есептеді.

Еске сала кетейік, бұған дейін жасөспірімдер арасындағы жарыста қазақстандық боксшы қыздар мүмкін болған 12 алтын медальдің бәрін жеңіп алса, ұлдар командасы ел қоржынына тағы 10 алтын жүлде салған еді.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!