АҚШ Мемлекеттік департаменті қызметкерлерін қысқарта бастады, деп хабарлайды 24kz.

«Рейтер» агенттігі келтірген мәліметке қарағанда, 1900 адам жұмысынан айырылуы мүмкін. Бұл – барлық қызметкердің шамамен 11%-і. Қысқарту 130-ға жуық бөлімді қамтуы ықтимал. Алдымен қашықтан жұмыс істейтіндер босатылмақ. Бұл туралы хабарлама қызметкерлерге осы аптадан бастап жіберіліп жатыр. Қысқарту президент Дональд Трамп әкімшілігінің бюджеттік бағдарламасы аясында жүзеге асырылғалы отыр.

Айта кетейік, Мемлекеттік департаментте осы жылдың ақпан айынан бері 1,5 мыңға жуық қызметкер өз еркімен жұмыстан кетуге өтінім білдірген.