Қазақстандық теннисші, әлемнің 251-ракеткасы Бейбіт Жұқаев Уимблдон турнирінің іріктеу сайысын сәтті аяқтады, — деп хабарлайды Massaget.kz тілшісі.

Ақтау теннис мектебінің түлегі іріктеу сайысының финалында әлемнің 239-ракеткасы, франциялық Лука Павловичтен басым түсті.

Бірінші партияда франциялық теннисші 6:3 есебімен басым түсті. Бұдан кейін Бейбіт камбэк жасай білді – 6:3, 6:2, 7:6 (7:5).

Осылайша 24 жастағы Бейбіт негізгі жарысқа алғаш рет жолдама алып, өзі үшін тарихи нәтижеге қол жеткізді. Уимблдон додасы 30 маусымда басталады.

Айта кетейік, Михаил Кукушкин, Тимофей Скатов және Дмитрий Попко іріктеу сынынан өте алмады.

Еске салайық, Бейбіт былтыр іріктеу сайыстарының финалында франциялық Алиссу Кантенге 3:6, 4:6, 4:6 есебімен жол беріп, негізгі додадан шет қалған еді.

Қызықты жаңалықтар мен видеоларды көру үшін TikTok арнамызға жазылыңыз!