Астанада Жасанды интеллектіні оқытатын халықаралық жазғы мектеп ашылды.

Жоба елордадағы ІТ университет алаңында өтеді. Оның аясында ІТ саласындағы мұғалімдер мен қызметкерлер жасанды интеллект бағытында әлемдік стандарттарда жаңашылдықпен қалай жұмыс істеу керектігін үйренеді. Әрі жасанды интеллектіні ғылым мен қоғамдық өмірде қолдану тәсілдерін меңгереді. Оқу бағдарламасын университеттер мен демеушілер қаржыландырады. AI Summer School 2025 – Қазақстан, Еуропа, АҚШ және Оңтүстік-Шығыс Азиядан келген сарапшылар қатысатын бес күндік білім беру бағдарламасы. Бағдарлама 30-дан астам дәріс пен воркшоптан тұрады. Жазғы оқу бағдарламасы осымен екінші мәрте ұйымдастырылып отыр.

Асылбек Исахов, Халықаралық ақпараттық технологиялар университетінің ректоры:

- Бұл мектеп екі бағытқа бөлініп жатыр, ол — жалпы және техникалық бағыт. Жалпы бағытта жасанды интеллектіні өмірде қолдануға арналған бағыт. Ал техникалық ол терең мамандандырылған бағыт болып саналады.