Қазақстан ұстаздарының қатары білікті мамандармен толықты .

Бұл педагогтер Teach for Kazakhstan (Тич фо Казахстан) бағдарламасының алғашқы түлектері. Олар екі жыл бойы Қарағанды облысының мектептерінде жұмыс істеп, арнайы машықтар меңгерді. Осы уақыт ішінде мамандар түрлі білім беру жобаларына бастамашылық етіп, көшбасшылық қасиеттерін дамытты. Сонымен қатар әр балаға көңіл бөліп, жеке қабілеттерін ашуға көмектесті.

Гүлзат Көбенова, ҚР Ғылым және жоғары білім вице-министрі:

- Бағдарламаға қатысқан түлектер ауыл мектептерінде тек пән оқытып қана қоймай, сол оқушыларға болашаққа сенім ұялатты. Олар тек мұғалім емес, нағыз көшбасшы болды. Қазіргі қазақстанда білімді ғана емес, елдің тағдырына бей-жай қарамайтын, нақты әрекет етуге дайын көшбасшылар керек. Сіздер сондай көшбасшылар екендеріңізді дәлелдедіңіздер.

Гүлнар Сәлмен, Teach for Kazakhstan бас директоры:

- Бүгінгі нәтиже екі жылғы еңбектің жемісі. Сіздер ұстаз ретінде азаматтық борышты абыроймен атқардыңыздар. Әр балаға көңіл бөліп, олардың мамандыққа деген махаббатын ояттыңыздар. Сондықтан әрқайсыңызға арнайы номинация тағайындап, марапаттауды жөн көрдік.