Біріккен Ұлттар Ұйымы балаларға жасалған зорлық-зомбылық фактілерінің артқанын айтып, дабыл қағуда. Қылмыс түрі қарулы қақтығыстар кезінде күрт артқан. Тіпті факт көрсеткіші рекордтық деңгейге жетті деп мәлімдеді ұйым өкілдері. Бұл былтыр тіркелген қылмыстарға жасалған қорытынды . Мәселен 2024 жылы барлығы 41 мыңнан аса ауыр құқықбұзушылық тіркелген. Ал 2023 жылы бұл 10 мың іске аз болған. Жағдайға алаңдаушылық білдірген БҰҰ өкілдері халықаралық қауымдастықты балалардың қауіпсіздігін қорғауға, халықаралық құқық нормаларын сақтауға және қақтығыстарды бейбіт жолмен шешуге шақырды. Жалпы балаларға жасалған зорлық-зомбылық Израиль, Палестина, әсіресе Газа секторы, Конго, Сомали, Нигерия және Гаитиде жиі тіркелген. Бұл елдерде балалар қақтығыстардың тікелей құрбанына айналып, кейбірі қарулы құрылымдарға еріксіз тартылып жатқаны айтылды.

Самал Қабышева