Елде 15 мыңнан аса сотталған азаматқа рақымшылық жасалады, деп хабарлайды 24kz.

Бүгін Сенат депутаттары тиісті құжатты қабылдады. Оның ішінде 4 мыңнан астамы қылмыстық жауаптылықтан және жазадан босап шығады. Бұл тізімге, жасаған қылмысы «ауыр емес» дәрежедесіндегі сотталғандар кіреді. Ал 11 мың адамның негізгі жаза мерзімдері қысқартылады. Мәселен ауыр қылмыс жасаған әлеуметтік осал азаматтардың жазасы үштен бір бөлігіне, ал аса ауыр қылмыс жасағандардың жазасы төрттен бір бөлігіне шегеріледі. Мұндай амнистия Конституцияның 30 жылдығына орайластырылып отыр.

Айта кету керек, рақымшылық терроризм, сыбайлас жемқорлық, және экстремизм бағытында айыпталғандарға қатысты қолданылмайды.