Жезқазғандағы жасыл желектерді суару жүйесінің 60%-ке тозған. Кей ықшам аудандарда ағаштар тіпті суарылмайды, деп хабарлайды 24kz.

Тұрғындардың айтуынша, суару жүйесінің жоқтығынан талдар қурап жатыр.

Асланбек Шығыр, тілші:

- Ұлытау өңірінің климаты өте қатал. Жаздың аптап ыстығы мен құрғақ желінен өсімдіктер қурап қалады. Сол себепті уақытылы суарып тұру маңызды. Бірақ Жезқазғанда бұл күрделі мәселе боп тұр.

Блиц 1:

- Суару жүйесі бәрінде бірдей жақсы жұмыс істемейді. Себебі жер бедері күрделі. Арықтан бөлек, құбыр арқылы суаруды да ойластырған жөн. Аптап ыстық енді басталады.

Блиц 2:

- Ескі перзентхананың жанындағы ағаштар мүлде суарылмайды. Қурап қалған. Біздің өңір үшін жасыл желек ауадай қажет. Сондықтан суару жүйесін қалыпқа келтіру керек.

Блиц 3:

- Қалада ағаштарды суарып жатқанын көргенім жоқ. Талдардың жайқалып тұруы үшін оған уақытылы су құю керек. Кесе бергеннен мәселе шешілмейді.

Қазір қаланың 30%-ке орталықтандырылған суару жүйесіне қосылмаған. Ал барының өзі тозып тұр. Суару жүйесінің 60%-і жаңартуды қажет етеді. Былтыр суаруға арналған бір жарым шақырым құбыр ауыстырылды. Ал келер жылы тағы алтауын жаңарту жоспарланған.

Әділ Темоханов, қалалық тұрғын үй-коммуналдық шаруашылығы бөлімінің маманы:

- Жезқазған бойынша жасыл желектерді күтіп-ұстауға үш жылдық шарт жасалды. Биылға шамамен 20 млн теңге бөлінген. Жауапты мекеме суарып қана қоймай, күтіп-баптау жұмыстарымен де айналысады. Суару жүйесі жоқ аумақты арнайы көліктер суарады.

Былтыр саябақтарды басқару жөнінде коммуналдық мемлекеттік кәсіпорын құрылды. Ондағы жұмысшылар қала аумағындағы 16 алаң мен 5 саябаққа қызмет көрсетеді.

Мұхтар Мәкішев, кәсіпорының бас инженері:

- Наурыз парк және қаланың шетіндегі Жастар паркі. Осы екі парк те бізге қарайды. Бұл жақтың суармалы суы кесетемен беріледі. Ол кестені Жезқазған қаласының АО «ПТВС» мекемесі береді. Сол кісілер қалай су береді, сол кезде біз сол суды алып, осы жерлерді суарамыз. Ал басқа қаладағы «Ғарышкерлердегі», «Алғашқы құрылысшылар» алаңы, «Бейбітшілік» бойындағы сверлерді өзіміздің насосымыз бар, өзіміздің суармалы су жүйесі бар, сонымен суарамыз.

Жоспарда саябақтарға автоматты суару жүйесін орнату тұр. Қазір Даңқ аллеясы осы жүйеге қосылған. Бірақ «Жастар» саябағының мәселесі әлі де өзекті. Тозған су құбырларын ауыстыру керек. Жауаптылар бұл мәселені алдағы уақытта шешеміз деп отыр.

Авторлары: Асланбек Шығыр, Елизавета Шалина, Нұрдаулет Аманкешов, Гүлшахира Серекбаева