АҚШ пен Қытай тарифтер бойынша ортақ келісімге келді, деп хабарлайды 24kz.

Енді құжатқа мемлекет басшылары Дональд Трамп пен Си Цзиньпин қол қоюы тиіс. Мұны Ақ үй басшысы әлеуметтік желідегі ресми парақшасында жариялады. Оның айтуынша, Қытай Америкаға сирек кездесетін металдарды, оның ішінде магниттерді жеткізуге уағдаласты. Ал, Құрама Штаттар Қытай студенттеріне америкалық колледждер мен университеттерде оқуды жалғастыруға мүмкіндік береді. Сондай-ақ АҚШ Қытай өнімдеріне 55% баж салығын салса, Бейжің тек 10% тариф енгізеді.

Айта кетейік, екі жақты келіссөздер Ұлыбританияда 2 күн бұрын басталған еді.