6 маусым – Құрбан айт мейрамының алғашқы күні: Қазақстан бойынша айт намазының кестесі жарияланды
03.06.2025
Қазақстан бойынша Құрбан айт намазының кестесі жарияланды, деп хабарлайды Қазақстан мұсылмандары діни басқармасына сілтеме жасаған KAZ.NUR.KZ.
6 маусым – Құрбан айт мейрамының алғашқы күні. Мүфтият осы күні оқылатын Құрбан айт намазының еліміз бойынша әзірленген кестесін ұсынды.
Естеріңізге сала кетейік, бұған дейін ҚМДБ һижри жыл санауы бойынша зул-хижжа айы басталғанын хабарлаған еді. Оған сай биыл арапа 5 маусымға, ал құрбан айт 6 маусымға сай келеді.
Қазақстандықтар құрбан айттың алғашқы күні демалады.
