Айт намазы 27 мамыр күні таңғы сағат 06:00-де қаланың барлық мешітінде оқылады.

Астанада Құрбан айт күндері құрбандық шалынатын арнайы орындар белгіленді, деп хабарлайды inbusiness.kz сайты.

Құрбандық шалу рәсімі күн сайын сағат 07:00-ден 18:00-ге дейін тек ресми түрде бекітілген орындарда ғана жүргізіледі.

Осы мақсатта елордада мал сойылатын арнайы бес алаң белгіленді:

Байқоңыр ауданы: "Шанхай" базары – Алаш тасжолы, 34/6;

"Баракат" базары – А 369 көшесі, 10;

"Жайлау" базары – Алаш тасжолы, Ц 313 көшесі;

"Шәушен" шаруа қожалығы – Алаш тасжолы, 136Б.

Алматы ауданы: "Ет-Хан" ет цехы – Теміржолшылар тұрғын алабы, Ақжар көшесі, 20.

"Құрбандық шалу рәсімін арнайы белгіленген орындардан тыс жерде өткізуге болмайды. Мереке қарсаңында тұрғындар санитарлық-эпидемиологиялық және ветеринариялық талаптарды сақтауы қажет. Мамандар етті тек тексерілген орындардан сатып алуды, өнімнің сақталу жағдайына назар аударуды, сондай-ақ жеке гигиена мен санитарлық қауіпсіздік ережелерін сақтауды ұсынады. Сонымен қатар, мал союдан қалған қалдықтарды белгіленген тәртіппен кәдеге жарату қажет, оларды қатты тұрмыстық қалдықтарға арналған контейнерлерге тастауға тыйым салынады", – делінген Астана әкімдігінің хабарламасында.