Бұл туралы Қазақстан Республикасы Төтенше жағдайлар министрлігі хабарлады.

"Қазгидромет" РМК мәліметіне сәйкес, 2026 жылдың 21-22 мамыр күндері Қазақстанның бірқатар өңірінде ауа райының күрт өзгеруіне байланысты дауылды ескерту жарияланды. деп хабарлайды inbusiness.kz сайты.

Синоптиктердің болжауынша, Қостанай, Солтүстік Қазақстан, Ақмола, Павлодар және Қарағанды облыстарында ауа температурасы төмендеп, кей жерлерде үсік жүреді.

Қостанай облысында 21 мамырда түнде ауа температурасы 3-8 градус жылы болса, облыстың батысы мен солтүстігінде 2 градусқа дейін үсік күтіледі. Күндіз 13-18 градус жылы болады. 22 мамырда да кей аумақтарда 3 градусқа дейін үсік сақталады.

Солтүстік Қазақстан облысында 21 мамырда түнде 2-7 градус жылы, кей жерлерде 2 градус үсік болжануда. Күндіз ауа температурасы 10-15 градусқа дейін төмендейді. 22 мамырда түнде 3 градусқа дейін үсік сақталады.

Ақмола, Павлодар және Қарағанды облыстарында да күндізгі ауа температурасы 13-20 градусқа дейін төмендеп, 22 мамырда түнгі уақытта кей жерлерде үсік күтіледі.

Сонымен қатар 22 мамырда Абай және Шығыс Қазақстан облыстарының кей бөліктерінде жауын-шашын, жаңбыр мен қар жаууы ықтимал. Бұл өңірлерде де түнгі уақытта 2 градусқа дейін үсік жүруі мүмкін.

Төтенше жағдайлар министрлігі тұрғындарды ауа райының қолайсыздығына байланысты сақтық шараларын сақтауға шақырды.