Шерзаттың қазасына қатысты сотта марқұмның туыстары сотталушылардан моральдық өтемақы талап етті. Арызды адвокат Мейірман Шекеев оқыды.

Онда Шерзатты жерлеу рәсіміне кеткен шығын өтелу керектігі айтылған. Сонымен қатар «адам өлтіру және адам өлтіруге оқталу» бабы бойынша айыпталған Абзал Шынасыл мен Равиль Сәкиевтен жәбірленушілердің әрқайсысына 100 млн теңгеден өндіруді сұраған. Яғни жасөспірімнің әкесі Қаржаубай Нұрымовқа, анасы Гүлбара Бишимбиеваға, апасы Жұмабике Қадыроваға аталған сомма жеке-жеке төлену керектігі жазылған. Сот төрағасы қабылдаған өтініште қалған айыпталушыға да қаржылық талап қойылып отыр. Жалпы соммасы 660 млн теңгеден асады.