Танымал композитор Қалдыбек Құрманәлі әнші Мақпал Жүнісова туралы пікір білдірді, деп хабарлайды Sn.kz ақпарат порталы.

Оның айтуынша, Мақпал – табиғатынан әнші болу үшін жаратылған, сирек кездесетін дауыс иесі.

Композитордың сөзінше, Мақпал Жүнісова Заманбек Нұрқаділовке тұрмысқа шықпаса да, мықты әнші болып, мемлекеттік сыйлықтардың иегері атанар еді. Тіпті ол ең бай әншілердің біріне айналуы мүмкін болған.

«Нұрқаділовке тию арқылы Мақпал көп тойларға бара алмай қалды, көптеген сахналардан шет қалды. “Халық әртісі” атағын күйеуі арқылы алды дегендер қателеседі. Мақпалдай әнші жоқ. Ол ән айтқанда керең де еститіндей, мылқау да түсінетіндей әсер қалдырады. Ғасырда бір келетін әнші», – деді Қалдыбек Құрманәлі.

Сондай-ақ композитор болашақта Заманбек пен Мақпалдың махаббаты туралы жырлар жазылып, үлкен фильмдер түсірілетінін де атап өтті.

Ал Мақпал Жүнісова бұл пікірге өз парақшасында жауап берді.

«Қалдыбек жақсы нүкте қойыпсыз. Әлі күнге дейін маған түрлі әңгімелермен дайрекке жазатындар бар. Бірақ ондайларға жауап беруге құлқым жоқ. Бір ғана айтарым – маған “Халық әртісі” атағы берілгенде байым қуанған жоқ. Алайда кейіннен “әншілігімді мойындадым” деп үлкен баға бергені мені қатты қуантты», – деп жазды әнші.

Желі қолданушылары композитордың пікірін қолдап, түрлі жылы лебіздерін білдірді.

Посмотреть эту публикацию в Instagram

Публикация от Мақпал Жүнісова (@zhunusova.makpal)