Ұлттық құрама жасақталды , деп хабарлайды 24kz.

Бірақ тізімде Зайнутдинов, Аймбетов және Оразов жоқ. Футболдан Қазақстан командасының бас бапкері Әли Әлиев маусым айында өтетін ойындарға байланысты 27 ойыншыға шықырту жіберді. Атап айтқанда, шабуылшылардан Максим Самородов, Айбар Жақсылықов , Дастан Сәтпаев, Алияр Мұхамед, жартылай қорғаушылардан Асхат Тағыберген, Ислам Чесноков, Серікжан Мужиков, Ғалымжан Кенжебек, қорғаушылдардан Әлібек Қасым, Ян Вороговский, Марат Быстров, Нұралы Әліп сияқты футболшылар құрамаға алынды. Тізімде 4 бірдей қақпашы тұр. Яғни, Мұхаммеджан Сейсен, Александр Заруцкий, Стас Покатилов және Бекхан Шайзада шақыртылды. Бір қызығы, бұлардың арасында Бахтиер Зайнутдинов, Абат Айымбетов және Рамазан Оразов көрінбейді. Қалай болғанда да, ұлттық құрама 31 мамырда Астанада жаттығу жиынын бастайды. Одан кейін екі жауапты кездесу күтіп тұр. 5 маусымда Минск қаласында Беларусь құрамасымен жолдастық матч өткізеді. Ал, 9 маусымда Астанада әлем чемпионатының іріктеу кезеңі аясында Солтүстік Македониямен жолығады.