Астана-Алматы бағытындағы KC622 рейсінде бір жолаушының жағдайы нашарлаған, — деп хабарлайды Massaget.kz тілшісі.

Бұл оқиға туралы Threads желісінде жазба пайда болды. Автордың айтуынша, таңертең ұшақ ұшуға дайындалып, жолаушылар орнығып жатқан сәтте бір жолаушының жағдайы нашарлаған.

Сол кезде көрші қатарда отырған әйел қыздың жағдайын тексеріп, көмектесе бастаған. Жолаушының сөзінше, қыздың қан қысымы жоғары болған. Оған су, шай және дәрі берген.

Стюардесса көмектескен әйелден кім екенін сұрағанда, ол дәрігер екенін айтқан. Жазба авторы ауырған адамға көмектескен адам Қазақстанның денсаулық сақтау министрі Ақмарал Әлназарова екенін жазды.

Аптаның басты оқиғалары мен пайдалы видеоларды көру үшін YouTube арнамызға жазылыңыз