Соңғы сегіз жыл ішінде компанияда өндірістегі оқу мен ұстаздардың қолдауы қарастырылған тәжірибеден өту бағдарламасы жұмыс істейді. Жүздеген болашақ инженер үшін бұл нағыз көмек болды. Бағдарлама техникалық ЖОО түлектеріне арналған: жұмысшы мамандықтары үшін оның мерзімі бір, инженерлер үшін екі жыл. Тәжірибеден өту кезінде үздік атанғандардың штатқа кіруге мүмкіндігі бар, деп хабарлайды NUR.KZ.
Сондай жастардың бірі – Уәлихан Белгібай. Ол алдымен Ақтоғайда оқыту практикасынан өтіп, университетті аяқтағаннан кейін компанияға тағылымдамадан өтуші – жөндеу жұмысын жоспарлау бойынша көмекші болып оралды.
Бүгінде ол жабдықтардың сенімділігі бойынша аға инженер ретінде жылжымалы техниканың жұмысына жауапты. Уәлихан жасаған жобалардың бірі – карьердегі жолдардың мониторингі Алматыдағы корпоративтік конкурсқа ұсынылып, тіпті финалға шыққан.
"Әріптестерімізбен бірге жобаны финалда таныстыру біз үшін маңызды тәжірибе болды", — Уәлихан.
Оның әріптесі Гүлмира Меңдіғалиева да еңбек жолын тағылымгер ретінде Ақтоғайдағы жөндеу жұмыстарын жоспарлау бойына кіші инженерліктен бастаған. Бір жылдан кейін ол сульфидті фабрикада техникалық қызметті жобалау инженері қызметіне орналасып бүгінге дейін құрылғылардың жұмысын тоқтатуды жоспарлаумен айналысады. Ұстаздарының қолдауымен Гүлмира тоқтату кезіндегі бақылау мен жұмыс барысы жайлы деректер жинау ісін оңтайландырып, тұтас бөлім қызметінің тиімділігін арттыра алды.
"Менің жетістіктерімнің бірі "Жылдың үздік қызметкері" жүлдесін алғаным. Бұл менің еңбегім мен ортақ іске қосқан үлесімнің бағалануы", — дейді Гүлмира.
Нұрислам Слямбеков компаниядағы еңбек жолын геологиялық жұмыстардағы кеншіліктен басталды. Жарты жылдан кейін ол өзінің маман есебінде өсіп, үлкен жауапкершілікті алуға дайын екенін түсінеді. Ал бүгінде Нұрислам – Бозшакөлде аға инженер-диспетчер болып жұмыс істейді.
"Тәжірибеден өту бағдарламасына қатысу бәрі мүмкін екеніне көзімді жеткізді. Маңыздысы – алғашқы қадам жасау", — дейді ол.
Рашида Баязитова да тағылымдамадан өткендердің бірі. Ол еңбек жолын Бозшакөлдегі химиялық сараптау зертханасында бастап, сол жерде жұмыс ауқымын тиімді реттеп, ұжымда жұмыс істеуге үйренген.
"Тағылымдама өту – қателесетін және өз қателігіңнен үйренетін кезең. Бастысы – табандылық пен қызығушылықты сақтау. Талаптансаң, қайсарлық танытсаң бағдарлама еңбек жолыңның жақсы басталуы үшін күшті көмек болады", — дейді Рашида.
Енді Рашида жаңа қызметкерлерге ұстаз болуға дайын.
KAZ Minerals компаниясында жұмыс істейтін тағы бір маман – Галина Кушнарева ұжымға 2022 жылы техник-технолог болып келген. Жеті айлық тағылымдамадан кейін Галинаға кіші зерттеуші-инженер қызметіне орналасуға мүмкіндік туды. Ал бір жарым жылдан кейін ол металл балансы мен қорды есептеу бойынша инженер-технолог болып жұмысқа кірісті.
"Дамыңыздар, белсенді болыңыздар, бастапқыда бәрі қиын көрінсе де сенімдеріңіз жоғалмасын", — деп кеңес береді Галина.
Тәжірибеден өту бағдарламасына қатысқандардың бірі Андрей Доронич. Басқа ұжымнан тиімді ұсыныс болғанына қарамастан ол KAZ Minerals компаниясын таңдаған. Ол еңбек жолын құрылғылардың сенімділігін бақылайтын кіші инженерліктен бастап, жарты жылдан кейін штатқа ауысады. Ал бүгін ол – сенімділік бойынша аға инженер, оның ендігі межесі – менеджер болу.
"Тәлімгер болғаннан кейін бізге келіп, бір кездегі мен секілді еңбек жолын енді бастаған жастарды жақсы түсіндім", — дейді Андрей.
Андрей мен оның әріптестерінің тарихы тәжірибеден өтудің жай ғана есеп емес, еңбек жолындағы маңызды қадам екенін көрсетеді. Сол арқылы жас маман өзіне сеніп, жаңа дағдыларды қалыптастыра алады. 2018 жылдан бері Ақтоғай мен Бозшакөлдегі кәсіпорындарда барлығы 1006 адам тағылымдамадан өткен. Олардың 70 пайызының компанияда жұмыста қалуы бағдарламаның тиімділігін дәлелдеп қана қоймай, кадрлық әлеуетті арттырудағы маңыздылығын да көрсетеді. KAZ Minerals Тобы жас мамандарға салынған инвестицияның олардың адалдығы мен ұйым ішіндегі өсу арқылы ақталарына сенімді.
Мәтіннен қате тапсаңыз, бізге жазыңыз
