Рим папасы Лео Газа секторындағы соғысты тоқтатуға үндеді. Израиль мен "Хамасты" халықаралық гуманитарлық құқықты толықтай сақтауға шақырып, кепілдегілердің барлығын босатуды талап етті.

Газа тұрғындарына азық-түлік таратыла бастады.

Газа секторында ашаршылыққа душар болған халыққа азық-түлік таратыла бастады. Сол үшін мыңдаған адам оңтүстіктегі Рафах қаласына ағылып жатыр. Бұл анклавқа Израильдің блокадасы салдарынан үш айға жуық гуманитарлық көмек енгізілмеді. Сондықтан, жүздеген мың адам ас-сусыз, дәрі-дәрмексіз қалды. Соңғы мәліметке қарағанда, палестиналықтарға кешеден бері 8 мың қорап азық-түлік үлестірілген. Бұл – 462 мың адамға арналған түскі ас. Тамақ пакетін алу үшін ерлермен бірге әйелдер мен балалар да АҚШ пен Израильдің бақылауындағы тарату орталықтарына жаяу және есекпен аттанып жатыр.

Арай Төлегенқызы