Қорғаныс министрі, авиация генерал-лейтенанты Дәурен Қосанов Алматы өңірлік гарнизонына жұмыс сапары барысында кадеттерімен кездесті .

Сондай-ақ ол биыл ашылған Бауыржан Момышұлы атындағы әскери-спорт колледжінің инфрақұрылымын тексеріп, кадеттерге жасалған тұрмыстық жағдайлармен танысты. Ал Армия орталық спорт клубының төрағасы полковник Арман Әбеуов оқу-материалдық базаны таныстырып, жаңартылған оқу корпустарын, заманауи спорт және жаттығу залдарын, бассейнді, спорт секцияларындағы дайындық барысын көрсетті. Ол колледж тәрбиеленушілері әртүрлі спорт түрлерінен облыстық және республикалық жарыстарда топ жарып жүргенін айтты. Кадеттермен әңгіме барысында Қорғаныс министрі колледждің ашылған күннен бастап жастар арасында үлкен қызығушылық тудырғанын атап өтті.