Президент «Сыр жұлдыздары» шығармашылық-инновациялық академиясының қызметімен танысты.

Бұл нысан биыл мамыр айында пайдалануға берілген. Кешенде бассейн, спорт түрлеріне арналған жаттығу залдары, шығармашылық студиялар мен зертханалар бар. Өңірде қосымша білім беру жүйесін дамыту аясында 2022 жылдан бастап 3 ауданда Оқушылар үйі мен Шығармашылық мектептері бой көтерген. Былтыр облыс орталығында заманауи Оқушылар сарайы ашылды. Бұдан бөлек Қызылордада Кәсіптік білім беру және жұмысшы мамандықтары бойынша құзыреттілік орталығының құрылысы басталды. Бүгінде Президент саябағында уақыт талабына сай балалар сауықтыру лагері мен қысқы бақ салынып жатыр.