Премьер-министр Олжас Бектенов Алматыға жұмыс сапары аясында «Kaspi.kz»-тегі «Magnum» онлайн-супермаркетінің логистикалық орталығына барып, ритейл саласындағы жаңа инфрақұрылыммен танысты. Отандық инновациялық компания басшысы әрі негізін қалаушылардың бірі Михаил Ломтадзе электронды коммерцияны дамытудағы жетістіктері туралы баяндады. Сондай-ақ, жаңа логистикалық орталықтардың ашылатыны туралы хабарлады.
«Kaspi.kz»-тегі «Magnum» онлайн-супермаркетінің Алматыдағы ең ірі логистикалық орталығында 10 мың түрлі тауар ұсынылған. Оның жартысынан астамы – қазақстандық өнімдер.
Михаил Ломтадзе, «Kaspi.KZ» басшысы және негізін қалаушы:
Біз ерекше мақтан ететін бір көрсеткіш – сатылымның 50 пайызы қазақстандық өнімдерден тұрады. Яғни, біз Қазақстанда өндірілген тауарларды өзіміздің онлайн-супермаркет арқылы сатуды мақсатты түрде дамытып жатырмыз.
2025 жылы онлайн супермаркетке 800 мыңнан астам қазақстандық 5,3 миллион рет тапсырыс беріп, тегін жеткізу қызметін пайдаланған.
Михаил Ломтадзе, «Kaspi.KZ» басшысы және негізін қалаушы:
Бұл Kaspi.kz қосымшасына енгізілген толықтай онлайн-қызмет. Біз мұны шамамен 3-4 жыл бұрын дамыта бастадық. Жүз пайыз онлайн жұмыс істейді. Тауарларды онлайн таңдап, 3 сағат ішінде алуға, пікір қалдыруға болады. Бұл қызметті пайдаланатын әр 10 адамның 9-ы өте жақсы деп бағалайды. Яғни, тұтынушылар риза. Тек Алматының өзінде бұл қызметті шамамен 200 мың отбасы пайдаланады.
«Kaspi.kz» компаниясының онлайн-супермаркетке салған инвестициясы 53 миллиард теңгеден асқан. 4500 жұмыс орны құрылып, 5 миллиард теңге салық төленген. Сондай-ақ, Алматы, Астана және Шымкентте Magnum-ның алты логистикалық орталығы салынды. 2025 жылы Алматы, Астана, Қарағанды және Ақтөбеде тағы төрт орталық ашу жоспарланған. Сондай-ақ Михаил Ломтадзе Үкімет басшысына цифрлық қызметтерді ұсынуға арналған екі заманауи дата-орталық – «Kaspi Cloud» жобасы туралы айтты. 5 МВт қуаты бар 250 тірек, секундына 10 мың транзакция жүргізе алады. Бұл жобаға «Kaspi.kz» тарапынан 14 миллиард теңге инвестиция салынған.
Серік Жұмабек
