Жетісу облысында биыл 10 мыңнан аса оқушы жазғы лагерьге жіберіледі.

Олар өңірдегі демалыс нысандарымен қатар Шортанды, Қонаев, Түркістан, Алматы қалаларындағы оқу-сауықтыру орталықтарында тынығады. Бұдан бөлек 103 мыңға жуық жеткіншекті мектептердегі лагерьлерге тарту көзделіп отыр. Жасөспірімдердің жазғы уақытын тиімді өткізуі үшін 6 танымдық жоба қолға алынады. Яғни ұлттық салт-дәстүрімізді дәріптеу, әртүрлі мамандықтарға экскурсия жасау, экологиялық акциялар өткізу, туристік слет және ата-аналарымен бірге ойын сауық жарыстарын ұйымдастыру, Жетісудың көрікті жерлеріне саяхаттау көзделген. Жалпы, биыл балалардың демалысына 646 млн теңгеден астам қаражат бөлініп, қауіпсіздік талаптарына басымдық беріліп отыр.

Қайрат Қасымов, облыстық білім басқармасының басшысы:

- Былтыр ата-аналар тарапынан біраз ескерпе кемшіліктер болатын. Сол кемшіліктердің алдын алу мақсатында облыс бойынша 13 лагерьдің барлығында бейнебақылау жүйелері Жетісу полиция департаментінің басқару орталығында бейнебақылау арқылы балалардың демалысы бақыланатын болады.