0:00:00
0:00:00Жаңалықтарды Telegram арнамыздан оқыңыз!
Батыс Қазақстан облысындағы «Бөкей орда» мемлекеттік табиғи резерватының бас директоры ірі көлемде бюджет қаражатын жымқырды деген күдікке ілінді.
Облыстық сыбайлас жемқорлыққа қарсы қызмет Департаментінің мамандары лауазымды тұлғаға қатысты қылмыстық істі тергеп жатыр. Агенттіктің хабарлауынша, күдікті резерватта жұмыс істемеген адамға жалақы аударған. Сөйтіп бюджет қаражатын ұрлаған. Қазір бас директор соттың санкциясымен қамауға алынды.
Айта кетейік, «Бөкей орда» мемлекеттік табиғи резерваты мен «Ащыөзек» мемлекеттік табиғи қаумалы 2022 жылы құрылды. Жалпы ауданы 657 мың гектар. Экология және табиғи ресурстар министрлігіне қарайтын мемлекеттік мекеменің басты қызметі киіктердің «Орал популяциясын» қорғауға бағытталған.
Ардақ Мұратқызы
