Мемлекет басшысы Ақордада Халықаралық паралимпиада комитетінің президенті Эндрю Парсонс пен Азия паралимпиада комитетінің жетекшісі Маджид Рашедті қабылдады.

Кездесуде Қасым-Жомарт Тоқаев паралимпиада қозғалысының маңызды миссиясын жоғары бағалап, еліміз осынау ізгі мақсатты қуаттайтынын атап өтті.

Ол отандық паралимпиадашылардың әлемдік аренадағы табыстары Қазақстанның инклюзивті және әлеуметтік жауапкершілік арқалаған мемлекет ретіндегі келбетін қалыптастыруға ықпал ететінін жеткізді.

Президент мәртебелі меймандардың атқарып жатқан жұмыстарына ризашылық білдіріп: «Серіктес болуға әзірміз», — деді.