Алматыда бір топ кәсіпкер үй жанындағы дүкендерге салынатын салық мөлшерлемесін төмендетуді сұрады. Олардың сөзінше, 4 пайыздан 2 пайызға дейін түсірмесе барлық дүкен жабылуы мүмкін. Себебі қазірдің өзінде осындай 5 мың сауда нүктесінің бір жарым мыңы банкрот болған. Осы мәселені бүгін кәсіпкерлер Парламент мәжілісінің депутаты Айтуар Қошмамбетовпен бірге талқылады. Депутат қала әкімімен кездесіп, ұсынысты жеткізген. Шаһар басшысы қолдағанымен, бұл нарыққа және тауар бағасына қалай әсер ететінін жан-жақты зерттеу қажет, — дейді Айтуар Қошмамбетов.

Айтуар Қошмамбетов, Мәжіліс депутаты:

Бұл бизнестің тиімсіздігін көрсетіп жатыр. Яғни үлкен, ірі желілер ары қарай жұмыс істей береді. Осындай кіші магазиндер жұмысын тоқтатуға мәжбүр болады. Өйткені бағасы да өседі. Жұмысшылардың айлығын төлеу де қиынға түседі. Үйдің қасындағы магазиндерге және жалпы шағын бизнеске жеңілдетілген салықты түсіру. Бұл ұсынысты әкімшіліктер қолдаса, ары қарай мәслихаттың қарауына жіберіледі.

Қуан Нұрақын