Алматыда Дженнифер Лопестің концертіне жалған билеттер сатқан күдікті ұсталды, — деп хабарлайды Massaget.kz тілшісі.

Тергеу барысында күдікті интернет платформалардың бірінде хабарландыру жариялап, концертке екі жалған билет сатқаны белгілі болды.

"Осындай жағдайларға тап болмау үшін билеттерді тек ресми сайттардан немесе сенімді кассалардан сатып алуды ұсынамыз", — деді Алматы қаласы ПД киберқылмысқа қарсы күрес басқармасы бастығының орынбасары Еркебұлан Қойшыбаев.

Алаяқтық дерегі бойынша қылмыстық іс қозғалды. Күдікті қамауға алынды.

Еске салайық, 10 тамызда Алматыдағы Орталық стадионда әлемдік жұлдыз Дженнифер Лопестің концерті өтті.

Өзекті жаңалықтарды өз уақытында оқу үшін Facebook парақшамызға жазылыңыз!