Жаңа туған нәресте тікұшақпен облыс орталығына шұғыл жеткізілді, — деп хабарлайды Massaget.kz тілшісі.

Риддер қаласында дүниеге келген жаңа туған нәрестеге шұғыл медициналық көмек қажет болды. Осыған байланысты ҚР Төтенше жағдайлар министрлігінің "Қазавиақұтқару" әуе экипажы Риддер – Өскемен бағыты бойынша арнайы рейс орындады.

Бұл ұшу медициналық авиация желісі бойынша ұйымдастырылып, оның басты мақсаты нәрестені дер кезінде қажетті медициналық мекемеге жеткізу болды. Экипаж мүшелері мен санитарлық авиация дәрігерлері кәсіби және үйлесімді жұмыс атқарды.

"Нәтижесінде, тікұшақ сәтті қонды, ал кішкентай науқас Өскемен қаласындағы ауруханаға аман-есен жеткізілді", — деп хабарлады ҚР ТЖМ баспасөз қызметі.

Аптаның басты оқиғалары мен пайдалы видеоларды көру үшін YouTube арнамызға жазылыңыз