Жамбылдағы қарулы қақтығысқа қатысы бар деген күдіктілер қолға түсті. Бірнеше адамға оқ атып қашып кеткен 4 адам Мойынқұм ауылынан ары аса алмаған. Полиция оларды бір тәулік ішінде үй ішінде жасырынған жерінен ұстады.

Күдіктілердің барлығы 19 бен 38 жас аралығындағы Мойынқұм ауданының тұрғындары. Қазір қамауға алынғандарды тергеп жатыр. Еске салайық, өткен сейсенбі күні ауыл жастары өзара жанжалдасып, арты атысқа ұласқан еді. Салдарынан 19 бен 28 жас аралығындағы 4 адам ауруханаға түсті. Олар түрлі дене жарақатын алған. Қазір олар ем алып жатыр. Дәрігерлер жағдайлары тұрақты, өмірлеріне қауіп жоқ дейді. Ал 28 жастағы науқастың жағдайы ауыр. Оқ оның басына, кеуде қуысына және білегіне тиген. Сондай-ақ екі жамбасы бірнеше жерінен тесілген. Травматикалық қарудан оқ жаудырғандардың кінәсі дәлелденсе, олар 10-15 жылын темір торда өткізбек.

Данияр Әлімқұл