АҚШ Сенатында салық туралы заң қаралып жатыр
29.06.2025
АҚШ Сенатында Дональд Трамптың салық жеңілдіктерін ұзарту, шығындарды қысқарту және депортация қорларын ұлғайтуға бағытталған заң жобасы қаралып жатыр, деп хабарлайды 24kz.
Құжат бойынша алғашқы дауыс беру рәсімі сәтті өтті. Бірнеше сағатқа созылған іс-шара нәтижесінде құжатты 51 сенатор қолдап, 49-ы қарсылық танытты. Заң жобасы 940 беттен тұрады. Құжат қабылданса, өкілдер палатасына жіберіледі. Ақ үй бұл бастаманы қолдап отыр. Ал демократтар заң жобасының мазмұны түсініксіз екенін айтып, сынға алды.
