Газа секторында азық-түлік тарату кезінде бейбіт тұрғындарға тағы да оқ атылды. «Рейтер» агенттігінің мәліметі бойынша 50-ден аса адам қаза тауып, 200-ден астамы жараланды. Оқиға Газаның оңтүстігіндегі Хан-Юнис қаласында болды.
Гуманитарлық көмекті үлестіру орталығында кезекте тұрған палестиналықтардың тура жанында бомба жарылып, кейін адамдарға оқ жаудырылған. Еврей армиясы оқиғаның мән-жайын анықтап жатқанын мәлімдеді. «Гардиан» басылымының дерегіне сүйенсек, Израиль азық-түлік орталықтарына апаратын арнайы дәліз құрды. Бірақ ашқұрсақ жүрген тұрғындар жолды кесіп, шабуылға ұшырап жатқандары да бар.
