Алматыда самокатты дұрыс қоймағандарға айыппұл салына бастады. «Кикшеринг» компаниясының мәліметі бойынша, ереже бұзған адам 100 теңге көлемінде ең төменгі айыппұл төлейді .

Тәртіп бұзушылық қайталанса айыппұл 1000 теңгеге дейін өседі. Әрі қарай 3 мың және 10 мың теңгеге дейін қарастырылған. Самокатты тұраққа дұрыс қоймаудан бөлек екі адам мінгесу және мас күйде самокат тізгіндегендер де әкімшілік жауапкершілікке тартылады. Аталған ережені Алматыдан өзге Астана мен Шымкент қаласында да енгізу жоспарланған. Айта кетейік, Алматыда жыл басынан бері 100 самокат жол көлік оқиғасына себеп болып, 104 адам жарақат алған. Сонымен қатар жалдамалы самокаттардың жалпы саны 19 мыңнан асқан.