Сөйтіп, Иранға шабуыл жасады, деп хабарлайды 24kz.

Бұл АҚШ-тың Тегеранмен ядролық қаруға материал өндіру жөніндегі келісімге келу ұмтылысына кері әсерін тигізбек. Вашингтондағы халықаралық саясат орталығының сарапшысы Негар Мортазави еврей елінің Ислам республикасына соқыларына қатысты осындай пікір білдірді. Өйткені АҚШ пен Иран арасындағы келесі келіссөз осы жексенбіге жоспарланған. «Енді бұл шабуылдың саяси ахуалға ықпалы қандай болары белгісіз», — дейді Мортазави.

Негар Мортазави, Халықаралық саясат орталығының аға ғылыми қызметкері:

- Иран тарапына тоқталар болсақ, эскалацияға жол бермей, қарымта жауап қатуда мұқият болуы қажет. Яғни, жағдай одан сайын ушықпау үшін ортақ баланс табуы тиіс. Бірақ оны қалай табатынын білмеймін. Менің ойымша, Тегерандағы сарапшылар АҚШ-пен арада соғыс басталып кетпес үшін билікті ұстамдылыққа шақырып отыр. Алайда, байқап отырғанымыздай соғыс АҚШ-қа да, Иран тарапына да қажет емес. Демек, бұл Иран мен Израиль арасындағы қақтығыс ретінде қала бермек. Иранның қандай шешім шығаратыны белгісіз, сондықтан әліптің артын бағуға тура келеді.