Алматыда 13 адамның өмірін қиған хостел өртіне қатысты сот отырысында өрттен қорғау жүйесін орнату маманы Александр Пекельниктен жауап алынды. Айыпталушы әу баста «Қуса Халық» компаниясы ғимаратта хостел болатынын ескертпегенін, ол мүлдем бейхабар болғанын айтты. Сәйкесінше, ғимаратқа талапқа сай өрттен қорғау құрылғыларын орнатқан. Сондай-ақ өрт болғанға дейін тапсырыс беруші тараптан жұмысына, құрылғыларға ешқандай шағым түспегенін жеткізді.

Еске сала кетейік, «Алматы хостеліндегі» өрт 2023 жылдың 30 қарашасында болды. 13 адам қаза тапты. Қылмыстық істе 2 адам айыпталып отыр. Олардың бірі – хостелдің иесі Әділбек Мұхамедияров пен өрттен қорғау жүйесін орнату жөніндегі маман Александр Пекельник. Келесі сот отырысы 19 маусым күні өтеді.

Александр Пекельник, айыпталушы:

Ғимараттың жертөлесін хостелге айналдыратынын білмедім. Егер солай болған жағдайда мен келісімшартқа отырып, қызмет көрсетпес едім. Жертөленің дәлізі тар екенін де білемін. Ал ол жерді жатақ үшін жалға алғанын өрт болған кезде ғана білдім.

Айдана Қуантхан