Елімізде жыл сайын 6 шілдеде Астана күні аталып өтеді. Бұл күн ресми түрде демалыс болып саналады. Биыл Астана күні жексенбіге сәйкес келіп отыр, деп хабарлайды Egemen .kz.

«Қазақстан Республикасындағы мерекелер туралы» заңға сәйкес, егер мереке күнi демалыс күнiне сәйкес келсе, онда келесі жұмыс күні демалыс күні болып есептеледі. Осы ережеге байланысты биыл қазақстандықтар 7 шілде, дүйсенбі күні де демалады.

Осылайша, демалыс күндері төмендегідей болады:

• Бес күндік жұмыс аптасы бар қызметкерлер үшін – қатарынан үш күн демалыс: 5 шілде (сенбі), 6 шілде (жексенбі), 7 шілде (дүйсенбі);
• Алты күндік жұмыс аптасы барлар үшін – екі күн демалыс: 6 шілде (жексенбі) және 7 шілде (дүйсенбі).

Сонымен қатар, шілде айындағы жұмыс және демалыс күндері мынадай:

• Бес күндік жұмыс аптасында – 22 жұмыс күні, 9 демалыс күні;
• Алты күндік жұмыс аптасында – 26 жұмыс күні, 5 демалыс күні.