Ақмола облысының диқандары егіс науқанын мерзімінен үш апта бұрын аяқтады. Егістік аумағы 5,5 млн гектарға жетіп отыр. 770-тен аса шаруашылық 100 млрд теңгеден астам несие алды.

Бұған қоса оларға арзан бағамен 76 мың тонна дизель отыны бөлінді. Ал Қостанай облысында егіс алқаптарын әртараптандыру жұмыстары белсенді жүріп жатыр. 755 мың гектарға майлы дақылдар, 7 мың гектарға картоп, 21 мың гектарға қарақұмық егілді. Жеңілдетілген лизинг бағдарламасы аясында егіншілер 385 техника сатып алуға келісімшарт жасасты. Сондай-ақ Солтүстік Қазақстан облысында қардың ерте еруі және көктемде температураның тұрақты жоғарылауы егіс науқанын уақытылы бастауға қолайлы болды. Аймақта егін алқабы 4,4 млн гектар болды. 317 мың тонна минералды тыңайтқыштар алу бойынша келісімшарт жасалған. Диқандар 52 мың тонна жеңілдетілген дизель отынымен қамтамасыз етілді.