Лос-Анджелесте бүгін екінші күн қатарынан наразылық шерулері өтіп жатыр.

Қалада көші-қон қызметі жүргізген рейдтерге байланысты тәртіпсіздік орын алған. Жағдайды реттеу үшін Дональд Трамп АҚШ-тың Ұлттық гвардиясынан 2 мың сарбаз жіберді. Кеше полиция қарсылық көрсеткен 44 адамды ұстаған болатын. Осыдан кейін қала орталығына 300-ден астам адам жиналып, билікке қарсы наразылығын білдірді. Куәгерлердің айтуынша, алаңға шыққан адамдарға қарсы көз ашытатын газ және гранаталар қолданылған. Айта кетейік, Дональд Трамптың заңсыз иммиграцияға қарсы саясаты аясында АҚШ-тың бірнеше қаласында мигранттарды жаппай ұстау жалғасып жатыр.