Тележүргізуші Ләйлә Сұлтанқызы әлеуметтік желіде интим фото мен видеолардың таралуы туралы пікір білдіріп, жастарға ескерту жасады, деп хабарлайды Sn.kz ақпарат порталы.

Журналистің айтуынша, қазіргі қоғамда адам туралы жеке мәліметтердің телефонда сақталуы мен оның тарап кетуі үлкен қауіпке айналған.

«Қазір ең қауіпті нәрсе қару емес, адам туралы “компроматтың” телефонда сақталуы мен оның таратылуы. Ешқандай жеке шекара, рұқсат, этика қалмай барады. Бір кезде “жаным” деген адам, ертең ашумен, хайп үшін, абайсызда немесе әдейі сенің ең әлсіз жеріңе соққы беруі мүмкін. Сол үшін жігітке де, қызға да айтарым: махаббатқа сенуге болады, бірақ өз қауіпсіздіктеріңді ешқашан ұмытпаңдар», – деп жазды ол.

Сондай-ақ ол интим фото мен видеолардың ешқашан махаббаттың дәлелі болмайтынын атап өтті.

«Интим фото, интим видео, пароль, жеке хат. Бұның бәрі біреуге дәлелдейтін махаббат емес. Бұл ертең өзіңе қарсы қолданылуы мүмкін құрал. “Маған сенбейсің бе?”, “Мен ешкімге көрсетпеймін”, “Біз отбасы боламыз ғой…” Осындай сөздерге сеніп, манипуляция мен шантаждың құрбаны болып қалмаңдар. Махаббат дәлелдеуді сұрамайды. Өзіңді қорға. Өзіңді сыйла. Себебі интернетке кеткен дүние ешқашан толық өшпейді. Сосын заң бар екенін де ұмытпайық. Біреудің интим фото/видеосын рұқсатсыз тарату – қылмыс. Ондай әрекет үшін заң алдында жауапкершілік қарастырылған», – деді Ләйлә Сұлтанқызы.

Посмотреть эту публикацию в Instagram

Публикация от Ләйлә Сұлтанқызы (@sultankyzy)