Қазақстан мен Дағыстан республикасы ынымақтастықты бекіте түспек. Барлық салада әріптестік көкжиегін арттыру көзделіп отыр. Әсіресе Каспий теңізінің тартылуы мәселесі өзекті. Өңірден Индира Бегайдар тарқатады.

Каспий теңізінің тартылуы тек экологияға зиян емес, экономикалық көрстекіштерге де кері әсерін тигізуде. Сондықтан мәселені бірлесе шешкен жөн. «Бұл, әсіресе порт инфрақұрылымы үшін үлкен қиындықтар туғызады»,-дейді Дағыстан басшысы.

Сергей Меликов, Дағыстан республикасының басшысы:

Өткен жылдан бастап теңізге судың еркін ағуын қамтамасыз ету үшін оған құятын өзендердің арнасын тазарту басталды. Қазақстандық әріптестерді бірлесе жұмыс істеуге шақырамын. Бізге ғылыми ынтымақтастықты жандандыру керек. Дағыстан мемлекеттік университеті аясында ғылыми жұмыс жүргізілуде, мен қазақ ғалымдарымен бірлесе жұмыс істеп, қажетті шараларды бірлесе қабылдау үшін тапсырма беремін.

Индира Бегайдар, тілші:

Қазақстан мен Дағыстан арасында барлық салада ынтымақтастық жоғары. Келесі айда бизнес өкілдері арнайы кездеспек. Сонымен қатар, ауыл шаруашылығы саласында да көптеген жобаларды қолға алу жоспарланып отыр.

Әсіресе алманың жаңа сұрыптарын өсіру, балық шаруашылы, асыл тұқымды жануалардың санын арттыру бойынша келіссөздер жүргізілуде. Дағыстан Қазақстанға тамақ өнімдерінің кейбір түрлерін жеткізсе, біздің еліміз жиһаз, кейбір техника түрлерін экспорттап отыр.

Валерий Дугинов, кәсіпорынның даму жөніндегі директоры:

Қазақстанмен біраз жылдан бері әріптеспіз. Өндіріске қажетті жабдықтармен қамтамасыз етудеміз. Осы жылы әріптестікті арттырсақ деп отырмыз. Оған мүмкіндік бар. Себебі біз Каспий теңізінің бойында орналасқанбыз. Сондықтан әлеуетті толық пайдалану керек деп ойлаймын.

Екі тарап цифрлық экожүйені құру және цифрлық технологияларға негізделген тұрақты және инновациялық экономиканы дамыту стратегиясын әзірлемек. Бұл салада Қазақстан өзгелерден оқ бойы озып тұр. Электронды үкіметті дамыту индексі бойынша әлем көшбасшыларының қатарында тұрмыз.

Индира Бегайдар